Spotify, Snapchat, Discord n’izindi mbuga zamaze amasaha zidakora

Imbuga za internet na Application nk’iza Spotify, Discord, Snapchat, Etsy n’izindi zamaze amasaha zidakora mu ijoro ryo kuri uyu wa Kabiri rishyira ku wa Gatatu.

Spotify, Snapchat, Discord n’izindi mbuga zamaze amasaha zidakora

Guhera saa Mbili z’ijoro ryo ku wa Kabiri tariki 16 Ugushyingo 2021, umuntu wafunguraga Spotify yabonaga ubutumwa bumubwira ko urwo rubuga rufite ikibazo, ariko bikagaragara nk’aho ari internet ye idakora neza.

Hari abantu bageragezaga gufungura izo mbuga bagahabwa ubutumwa bwitwa “404 errors” bubabwira ko hari ikibazo cyabayeho.

Bivugwa ko ikoranabuhanga rya Google Cloud, izo mbuga zikoresha ariryo ryagize ikibazo bigatuma zidafunguka gusa nyuma y’amasaha make byaje gutangazwa ko icyo kibazo cyakemutse.

Spotify yavuye ku murongo kubera ibibazo bya tekiniki ishyira mu bwigunge abakunzi ba muzika